Халуун мэдээг шүүмлээд халуун тамд шатах байх даа?

Өчигдөр буюу 11 сарын 30-ны өдөр Зар сурталчилгааны нэгдсэн үзэсгэлэнг сонирхож хэрэндээ л "энтертэймэнтжээд" авлаа. Зар сурталчилгаанаас хоолоо залгуулдаг нөхдүүд цуглацгаагаад хамаг л сайн сайхнаа урдаа барьцгаагаад үзэсгэлэн давилуун л болж байна.
Зохион байгуулсан багийнханд хэлэхэд анх зохиогдож байгаа гэхэд дажгүй санагдсанаа хэлэх ёстой. Хугацааны хувьд ажлын өдрүүд байсан нь жаахан тиймхэн, мөн хоёрхон хоног арай л цөөдчихсөн шүү гэдгийг уламжилмаар байна. Энэ үзэсгэлэнгээ уламжлал болгож зохиовол тун өгөөжтэй мэт санагдлаа.

Гэснээс үзэсгэлэн үзсэн хүн чинь баахан брошур, бал, сэтгүүл цуглуулсандаа баясаад л өчигдөр чинь. 

Өглөө ажилдаа ирмэгц цуглуулсан зүйлсээ үзэж суугаад Халуун мэдээ (HOT NEWS) сэтгүүл байхтай таарч жаал сонирхов. ТВ хөтөлбөр байхаар нь нилээд шүүж ойр хавьд дажгүй нэвтрүүлгийн бараа сураг юу байна хэмээн нэгжив. Гэтэл нэг л биш ээ... Нилээд дээр үзэгдээд өнгөрсөн хэд хэдэн нэвтрүүлгүүдийн нэр ар араасаа... Гайхаад он сарыг нь хартал 10 сарын 10-ны дугаар байдаг байгаа хөөрхий... Ингэж л Халуун мэдээ сэтгүүл маань аль хэдийн "хөрчихсөн" явж байхтай таарсандаа гайхаж хоцорлоо.

Би энд тэнд хаягдсан хог түүгээгүй дээ? Эсхүл сэтгүүл өгдөг охин хуушуур хавчуулж ирсэн сэтгүүлээ андуураад надад өгчихөв үү? Үгүй дээ, тавиур дээр нь нилээд олон байсан даа? гэж элдэвийг бодлоо. Эцэст нь энэ сэтгүүлийг надад өгсөн охин "ах аа наадах чинь үзүүлэнгийн материал шүү, хуучин хэвлэлт" энэ тэр гээд анхааруулсан бол...